Bizge qoshulung

«Közet» dunyaning her qaysi jayliridiki jurnalistlar we axbaratqa hesse qoshquchilar bilen birge uyghurlar heqqide hemde ularning hayatini belgilewatqan mesililer toghrisida xewer ishleydighan, ösüp yétiliwatqan musteqil axbarat orginidur.

Biz biz bilen birge ishleshni xalaydighan jurnalistlar we axbaratqa hesse qoshquchilarni — in’gliz, uyghur yaki xitay tillirida ishleydighan muxbirlar, yazghuchilar, terjimanlar we tehrirlerni qarshi alimiz. Bolupmu uyghurlar, biz xewer qilidighan rayonlar we mesililer heqqide biwasite bilimge ige kishilerge alahide qiziqimiz.

Hesse qoshquchilar «közet» bilen heqliq ixtiyari muxbiri bolush salahiyiti bilen ishleydu. «Közet» tarqatqan barliq mezmunlar tehrirlik körüp chiqishidin we pakit tekshürüsh basquchidin ötidu hemde «közet»ning toghriliq, adilliq, musteqilliq we mesuliyetchan axbaratchiliq ölchemlirige toluq chüshüshi shert.

Biz bilen qandaq alaqilishisiz?

Özingizni tonushturush yaki xewer idiyesini otturigha qoyush üchün, join@kozet.org élxet adrésimizgha özingiz, xizmette ishlitidighan tillar, kespiy yaki qiziqidighan saheler hemde ilgiri élan qilinghan xewer yaki maqaliliringizning ulanmiliri (eger bolsa) heqqide qisqiche xet yézing. Toluq maqale yaki tep-teyyar eserlerni ewetmeng; biz xewer idiyeliri we tonushturushlar asasida xizmet teqsim qilimiz.

Eger biz bilen alaqilishish sizni, uchur menbeliringizni yaki bashqilarni xeterge tewekkül qilduridighan bolsa, deslepki élxette némilerni kirgüzüshingizge alahide éhtiyat qiling. Adettiki élxet arqiliq sezgür uchurlarni ewetmeng. Eger biz bilen qandaq qilip bixeter alaqilishishni bilelmisingiz, tor békitimizdiki «alaqilishing» bétidin bixeter alaqe yétekchilikini körüng.

Biz uyghurlar heqqide xewer bérishning dölet halqighan basturushlarni öz ichige alghan ré’al xeterlerni élip kélidighanliqini bilimiz. Öz ismi bilen maqale élan qilish özige we munasiwetlik kishilerge xeter élip kélidu dep qaraydighan hesse qoshquchilarning texellus ishlitish arqiliq xewer ishlishige yol qoyimiz. Bu ularning xizmiti ige bolushi kérek bolghan ölchemlerni özgertip qoymaydu: her bir maqale élan qilinishtin ilgiri delillinidu we tehrirlinidu.

«Közet» amérika baj idarisining 501(c)(3) maddisida belgilen’gen payda almaydighan ijtima’iy teshkilat «Uyghur Monitor Inc» teripidin neshr qilinidu.