бизгә қошулуң
“көзәт” дуняниң һәр қайси җайлиридики журналистлар вә ахбаратқа һәссә қошқучилар билән биргә уйғурлар һәққидә һәмдә уларниң һаятини бәлгиләватқан мәсилиләр тоғрисида хәвәр ишләйдиған, өсүп йетиливатқан мустәқил ахбарат оргинидур.
биз биз билән биргә ишләшни халайдиған журналистлар вә ахбаратқа һәссә қошқучиларни — инглиз, уйғур яки хитай тиллирида ишләйдиған мухбирлар, язғучилар, тәрҗиманлар вә тәһрирләрни қарши алимиз. болупму уйғурлар, биз хәвәр қилидиған районлар вә мәсилиләр һәққидә биваситә билимгә игә кишиләргә алаһидә қизиқимиз.
һәссә қошқучилар “көзәт” билән һәқлиқ ихтияри мухбири болуш салаһийити билән ишләйду. “көзәт” тарқатқан барлиқ мәзмунлар тәһрирлик көрүп чиқишидин вә пакит тәкшүрүш басқучидин өтиду һәмдә “көзәт”ниң тоғрилиқ, адиллиқ, мустәқиллиқ вә мәсулийәтчан ахбаратчилиқ өлчәмлиригә толуқ чүшүши шәрт.
биз билән қандақ алақилишисиз?
өзиңизни тонуштуруш яки хәвәр идийәсини оттуриға қоюш үчүн, join@kozet.org елхәт адресимизға өзиңиз, хизмәттә ишлитидиған тиллар, кәспий яки қизиқидиған саһәләр һәмдә илгири елан қилинған хәвәр яки мақалилириңизниң уланмилири (әгәр болса) һәққидә қисқичә хәт йезиң. толуқ мақалә яки тәп-тәйяр әсәрләрни әвәтмәң; биз хәвәр идийәлири вә тонуштурушлар асасида хизмәт тәқсим қилимиз.
әгәр биз билән алақилишиш сизни, учур мәнбәлириңизни яки башқиларни хәтәргә тәвәккүл қилдуридиған болса, дәсләпки елхәттә немиләрни киргүзүшиңизгә алаһидә еһтият қилиң. адәттики елхәт арқилиқ сәзгүр учурларни әвәтмәң. әгәр биз билән қандақ қилип бихәтәр алақилишишни биләлмисиңиз, тор бекитимиздики “алақилишиң” бетидин бихәтәр алақә йетәкчиликини көрүң.
биз уйғурлар һәққидә хәвәр беришниң дөләт һалқиған бастурушларни өз ичигә алған реал хәтәрләрни елип келидиғанлиқини билимиз. өз исми билән мақалә елан қилиш өзигә вә мунасивәтлик кишиләргә хәтәр елип келиду дәп қарайдиған һәссә қошқучиларниң тәхәллус ишлитиш арқилиқ хәвәр ишлишигә йол қойимиз. бу уларниң хизмити игә болуши керәк болған өлчәмләрни өзгәртип қоймайду: һәр бир мақалә елан қилиништин илгири дәлиллиниду вә тәһрирлиниду.
“көзәт” америка баҗ идарисиниң 501(c)(3) маддисида бәлгиләнгән пайда алмайдиған иҗтимаий тәшкилат “Uyghur Monitor Inc” тәрипидин нәшр қилиниду.